ai jaan shab-e-hijran teri saKHt baDi hai

ai jaan shab-e-hijrāñ tirī saḳht baḌī hai

har pal magar is nis kī barmhā kī ghaḌī hai

har baal meñ hai merā dil-e-sāf giraftār

kyā ḳhuub tirī zulf meñ motiyāñ kī laḌī hai

nīlam kī jhalak detī hai yāqūt meñ goyā

so tere lab-e-lāl pe missī kī dhaḌī hai

the zikr darāzī ke tirī hijr kī shab ke

kyā pahuñchī shitāb aa ke tirī umr baḌī hai

sūraj kā jalāne kuuñ jigar jiyūñ dil-e-'fā.ez'

ai naar tū kyuuñ dhuup meñ sar khol khaḌī hai

ai jaan shab-e-hijran teri saKHt baDi hai

har pal magar is nis ki barmha ki ghaDi hai

har baal mein hai mera dil-e-saf giraftar

kya KHub teri zulf mein motiyan ki laDi hai

nilam ki jhalak deti hai yaqut mein goya

so tere lab-e-lal pe missi ki dhaDi hai

the zikr daraazi ke teri hijr ki shab ke

kya pahunchi shitab aa ke teri umr baDi hai

suraj ka jalane kun jigar jiyun dil-e-'faez'

ai nar tu kyun dhup mein sar khol khaDi hai