ai junun aaj tere dar pe ware kis ko
ai junūñ aaj tire daar pe vaare kis ko
zindagī soch meñ hai nazr guzāre kis ko
hai ġham-e-hijr tire vasl kī ummīd ke saath
dekhiye ab dil-e-shorīda pukāre kis ko
mire shāne bhī yahāñ haiñ mirā sar bhī hai yahāñ
kar rahī hai mirī shamshīr ishāre kis ko
haar jaane se nahīñ aaj bhī ḳhā.if mirā dil
mas.ala ye hai ki ab haare to haare kis ko
ham jo bikhre to tirī zulf se shikva bekār
ḳhud jo ik saañs se bikhre vo sañvāre kis ko
ai junun aaj tere dar pe ware kis ko
zindagi soch mein hai nazr guzare kis ko
hai gham-e-hijr tere wasl ki ummid ke sath
dekhiye ab dil-e-shorida pukare kis ko
mere shane bhi yahan hain mera sar bhi hai yahan
kar rahi hai meri shamshir ishaare kis ko
haar jaane se nahin aaj bhi KHaif mera dil
masala ye hai ki ab haare to haare kis ko
hum jo bikhre to teri zulf se shikwa bekar
KHud jo ek sans se bikhre wo sanware kis ko
Source:
Subh Bakhair Zindagi (Pg. 117)
- Author: Ameer Imam
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.