ai masiha asar dua ka hai

ai masīhā asar du'ā kā hai

aur charchā tirī davā kā hai

paañv jamte nahīñ haiñ vahshat meñ

'ishq goyā safar ḳhalā kā hai

tum jo mahsūs kar rahe ho jumūd

marhala ye bhī irtiqā kā hai

ḳhatm ko iḳhtitām kahte ho

ye to āġhāz ibtidā kā hai

ho rahā hai jo ḳhud-ba-ḳhud mā'dūm

naqsh vo kis gurez-pā kā hai

yaar ye 'ishq hai ḳhayāl rahe

aur phir 'ishq bhī balā kā hai

ret ke tum banā rahe ho makān

ye 'ilāqa magar havā kā hai

vah.y utartī nahīñ magar 'āsim'

ham se kuchh rābta ḳhudā kā hai

ai masiha asar du'a ka hai

aur charcha teri dawa ka hai

panw jamte nahin hain wahshat mein

'ishq goya safar KHala ka hai

tum jo mahsus kar rahe ho jumud

marhala ye bhi irtiqa ka hai

KHatm ko iKHtitam kahte ho

ye to aaghaz ibtida ka hai

ho raha hai jo KHud-ba-KHud ma'dum

naqsh wo kis gurez-pa ka hai

yar ye 'ishq hai KHayal rahe

aur phir 'ishq bhi bala ka hai

ret ke tum bana rahe ho makan

ye 'ilaqa magar hawa ka hai

wahy utarti nahin magar 'asim'

hum se kuchh rabta KHuda ka hai