ai meri aankho ye be-sud justuju kaisi
ai merī āñkho ye be-sūd justujū kaisī
jo ḳhvāb ḳhvāb rahīñ un kī aarzū kaisī
ragoñ meñ ḳhuun hai shāḳhoñ kī surḳh-rū ġhunche
ḳhizāñ meñ ab ke bahāroñ kī rañg-o-bū kaisī
tamām pattoñ ko mausam ne zard zard kiyā
ye ek shāḳh-e-tamannā hai sabz-rū kaisī
karo to yaad milan ke vo avvalīñ lamhe
ki chhiḌ ga.ī thī nigāhoñ meñ guftugū kaisī
ye shahr-e-dil meñ bhalā aaj kis kī aamad hai
ye mahv-e-raqs haiñ ḳhushbūeñ kū-ba-kū kaisī
ufuq kā chehra 'suḳhan' is kadar udaas hai kyuuñ
shafaq ke rañg meñ ye surḳhī-e-lahū kaisī
ai meri aankho ye be-sud justuju kaisi
jo KHwab KHwab rahin un ki aarzu kaisi
ragon mein KHun hai shaKHon ki surKH-ru ghunche
KHizan mein ab ke bahaaron ki rang-o-bu kaisi
tamam patton ko mausam ne zard zard kiya
ye ek shaKH-e-tamanna hai sabz-ru kaisi
karo to yaad milan ke wo awwalin lamhe
ki chhiD gai thi nigahon mein guftugu kaisi
ye shahr-e-dil mein bhala aaj kis ki aamad hai
ye mahw-e-raqs hain KHushbuen ku-ba-ku kaisi
ufuq ka chehra 'suKHan' is kadar udas hai kyun
shafaq ke rang mein ye surKHi-e-lahu kaisi
Source:
Nai Rut Ka Safar (Pg. 48)
- Author: Abdul Wahab Sukhan
-
- Edition: 2014
- Publisher: Mishkaat Printer, Aligrah
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
