ai musavvir jo mirī tasvīr khīñch
hasrat-āgīñ ġham-zada dil-gīr khīñch
jazb bhī kuchh ai tasavvur chāhiye
ḳhud khiñche jis shoḳh kī tasvīr khīñch
ai mohabbat dāġh-e-dil murjhā na jaa.eñ
itr in phūloñ kā be-tāḳhīr khīñch
aa butoñ meñ dekh zāhid shān-e-haq
dair meñ chal nāra-e-takbīr khīñch
ek sāġhar pī ke būḌhā ho javān
vo sharāb ai mai-kade ke pair khīñch
dil na us but kā dukhe kahtā hai ishq
khīñch jo naala vo be-tāsīr khīñch
dil idhar betāb hai tarkash udhar
khīñchtā huuñ aah maiñ tū tiir khīñch
kuchh to kaam aa hijr meñ o iztirāb
shoḳhī-e-mahbūb kī tasvīr khīñch
qais se dasht-e-junūñ meñ kah 'jalāl'
aage aage chal mire zanjīr khīñch
ai musawwir jo meri taswir khinch
hasrat-agin gham-zada dil-gir khinch
jazb bhi kuchh ai tasawwur chahiye
KHud khinche jis shoKH ki taswir khinch
ai mohabbat dagh-e-dil murjha na jaen
itr in phulon ka be-taKHir khinch
aa buton mein dekh zahid shan-e-haq
dair mein chal nara-e-takbir khinch
ek saghar pi ke buDha ho jawan
wo sharab ai mai-kade ke pair khinch
dil na us but ka dukhe kahta hai ishq
khinch jo nala wo be-tasir khinch
dil idhar betab hai tarkash udhar
khinchta hun aah main tu tir khinch
kuchh to kaam aa hijr mein o iztirab
shoKHi-e-mahbub ki taswir khinch
qais se dasht-e-junun mein kah 'jalal'
aage aage chal mere zanjir khinch
Source:
Intekhab-e-kalam Miir Zamin Ali Jalal (Pg. 29)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.