ai naqsh-garo lauh-e-tahrir hamein de do

Ezaz Afzal

ai naqsh-garo lauh-e-tahrir hamein de do

Ezaz Afzal

MORE BYEzaz Afzal

    ai naqsh-garo lauh-e-tahrīr hameñ de do

    ham apne musavvir haiñ tasvīr hameñ de do

    āġhosh-e-kamāñ ab tak afkār ḳhālī hai

    tum apnī nigāhoñ ke kuchh tiir hameñ de do

    kyā tol rahe ho tum hāthoñ meñ ḳhirad-mando

    zevar ye junūñ hai zanjīr hameñ de do

    ai ḳhālī kaToroñ ke be-kaif nigahbānoñ

    mai-ḳhāna hamārī hai jāgīr hameñ de do

    tum to na jhukā paa.e gardan dil-e-sarkash

    ai ahl-e-sitam laao shamshīr hameñ de do

    āshufta lakīreñ haiñ tahrīr nau-mashqī

    likh leñge hamīñ lauh-e-taqdīr hameñ de do

    ai naqsh-garo lauh-e-tahrir hamein de do

    hum apne musawwir hain taswir hamein de do

    aaghosh-e-kaman ab tak afkar ka KHali hai

    tum apni nigahon ke kuchh tir hamein de do

    kya tol rahe ho tum hathon mein KHirad-mando

    zewar ye junun ka hai zanjir hamein de do

    ai KHali kaToron ke be-kaif nigahbanon

    mai-KHana hamari hai jagir hamein de do

    tum to na jhuka pae gardan dil-e-sarkash ki

    ai ahl-e-sitam lao shamshir hamein de do

    aashufta lakiren hain tahrir ki nau-mashqi

    likh lenge hamin lauh-e-taqdir hamein de do

    Source:

    • Book : Kalam-e-aizaz afzal (Pg. 78)
    • Author : Aizaz Afzal
    • Publication : Usmania Book Depot
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY