ai rabb-e-zul-jalal mere dil se Dar nikal

ai rabb-e-zul-jalāl mire dil se Dar nikāl

ai rabb-e-zul-jalāl hai bandī tirī niDhāl

rū-posh hai jo thī kabhī ik paikar-e-jamāl

ai rabb-e-zul-jalāl ye ab zaat hai vabāl

jab sabr aa chukā hai to kaisā hai ye malāl

ai rabb-e-zul-jalāl hai tujh se mirā savāl

kyā kyā huā hai saath mire kyā maiñ duuñ misāl

ai rabb-e-zul-jalāl hai har ḳhvāb pā.emāl

vahm-o-gumāñ ke khel bhī ab ho ga.e muhāl

ai rabb-e-zul-jalāl tū paikar meñ mujh ko Dhaal

jis ko sunāne lagtī huuñ maiñ apne dil kā haal

ai rabb-e-zul-jalāl vo kahtā hai haa.e haal

ai rabb-e-zul-jalal mere dil se Dar nikal

ai rabb-e-zul-jalal hai bandi teri niDhaal

ru-posh hai jo thi kabhi ek paikar-e-jamal

ai rabb-e-zul-jalal ye ab zat hai wabaal

jab sabr aa chuka hai to kaisa hai ye malal

ai rabb-e-zul-jalal hai tujh se mera sawal

kya kya hua hai sath mere kya main dun misal

ai rabb-e-zul-jalal hai har KHwab paemal

wahm-o-guman ke khel bhi ab ho gae muhaal

ai rabb-e-zul-jalal tu paikar mein mujh ko Dhaal

jis ko sunane lagti hun main apne dil ka haal

ai rabb-e-zul-jalal wo kahta hai hae haal