ai rasm-e-baghawat ke giraftar sipahi
ai rasm-e-baġhāvat ke giraftār sipāhī
likkhī thī tire baḳht meñ ye haar sipāhī
us taaj ke aur taḳht ke dushman haiñ hazāroñ
ma.amūr hifāzat pe haiñ do-chār sipāhī
ik tasht meñ rakkhī huī farmān-ravā.ī
ik tasht meñ haiñ dirham-o-dīnār sipāhī
malka huuñ mahal kī maiñ mirā hukm-e-mohabbat
auqāt kahāñ terī ki inkār sipāhī
kuchh vaqt kī qurbat ke liye lauT rahā hai
tanḳhvāh meñ chhuTTī kā talabgār sipāhī
zindān kī dīvār pe likkhe rahe nauhe
zanjīr paTaḳhtā rahā bīmār sipāhī
ḳhat chuum ke āñkhoñ se lagāte hue 'komal'
royā thā bahut TuuT ke har baar sipāhī
ai rasm-e-baghawat ke giraftar sipahi
likkhi thi tere baKHt mein ye haar sipahi
us taj ke aur taKHt ke dushman hain hazaron
mamur hifazat pe hain do-chaar sipahi
ek tasht mein rakkhi hui farman-rawai
ek tasht mein hain dirham-o-dinar sipahi
malka hun mahal ki main mera hukm-e-mohabbat
auqat kahan teri ki inkar sipahi
kuchh waqt ki qurbat ke liye lauT raha hai
tanKHwah mein chhuTTi ka talabgar sipahi
zindan ki diwar pe likkhe rahe nauhe
zanjir paTaKHta raha bimar sipahi
KHat chum ke aankhon se lagate hue 'komal'
roya tha bahut TuT ke har bar sipahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
