ai saeban-e-gesu-e-KHamdar alwida

ai sā.ebān-e-gesū-e-ḳhamdār alvidā'

phir ham haiñ aur sāya-e-dīvār alvidā'

is ḳhāmushī-e-qalb kī taḳhlīq-e-kun-fakāñ

ai kā.enāt-e-kākul-o-ruḳhsār alvidā'

karnī haiñ phir talāsh zuleḳhā-nigāhiyāñ

yūsuf ko phir hai misr kā bāzār alvidā'

bhaTkegā dil ke dasht meñ yādoñ kā qāfila

is qāfile kī qāfila-sālār alvidā'

kuchh aur ho rahī haiñ mo'attar ḳhamoshiyāñ

ḳhushbū-ba-dosh narmī-e-guftār alvidā'

khultī hai aaj tujh se marāsim kī rīsmāñ

āzād ho rahā hai giraftār alvidā'

ai saeban-e-gesu-e-KHamdar alwida'

phir hum hain aur saya-e-diwar alwida'

is KHamushi-e-qalb ki taKHliq-e-kun-fakan

ai kaenat-e-kakul-o-ruKHsar alwida'

karni hain phir talash zuleKHa-nigahiyan

yusuf ko phir hai misr ka bazar alwida'

bhaTkega dil ke dasht mein yaadon ka qafila

is qafile ki qafila-salar alwida'

kuchh aur ho rahi hain mo'attar KHamoshiyan

KHushbu-ba-dosh narmi-e-guftar alwida'

khulti hai aaj tujh se marasim ki risman

aazad ho raha hai giraftar alwida'