aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ai saba jazb pe jis dam dil-e-nashad aaya

Wazir Ali Saba Lakhnavi

ai saba jazb pe jis dam dil-e-nashad aaya

Wazir Ali Saba Lakhnavi

MORE BYWazir Ali Saba Lakhnavi

    ai sabā jazb pe jis dam dil-e-nāshād aayā

    apnī āġhosh meñ uḌ kar vo parī-zād aayā

    mahv-e-abrū ke liye ḳhanjar-e-faulād aayā

    zab.h karnā bhī na tujh ko mire jallād aayā

    sar-kashī par jo vo sarv-e-sitam-ījād aayā

    paas aare ke ghisaTtā huā shamshād aayā

    chashm-e-mūsā hama-tan ban gayā maiñ hairat se

    dekhā ik but vo aalam ki ḳhudā yaad aayā

    dam-e-āġhāz-e-junūñ tauq gulū-gīr huā

    ġhul machāne bhī na paa.e thī ki haddād aayā

    kaT ga.e maare ḳhajālat ke javānān-e-chaman

    baaḌh par qad jo tirā o sitam-ījād aayā

    āshiqoñ se na rahā koī zamāna ḳhālī

    kabhī vāmiq kabhī majnūñ kabhī farhād aayā

    dil meñ ik dard uThā āñkhoñ meñ aañsū bhar aa.e

    baiThe baiThe hameñ kyā jāniye kyā yaad aayā

    ro.e ġhurbat meñ hujūm-e-gul-e-sahrā.ī par

    chaman-e-majma-e-yārān-e-vatan yaad aayā

    mizha-e-yār ke nashtar ke hue saudā.ī

    ḳhūn-e-fāsid tarah josh meñ fassād aayā

    ban gayā ḳhāl-e-jabīñ kaukab-e-baḳht-e-yūsuf

    kis taraqqī pe tirā husn-e-ḳhudā-dād aayā

    āriz-e-sāf khīñchā na gayā jab naqsha

    aa.ina le ke tire sāmne bahzād aayā

    bait-e-hastī ke 'sabā' ho ga.e ma.anī raushan

    ḳhvāja-'ātish' zamāne meñ jo ustād aayā

    ai saba jazb pe jis dam dil-e-nashad aaya

    apni aaghosh mein uD kar wo pari-zad aaya

    mahw-e-abru ke liye KHanjar-e-faulad aaya

    zabh karna bhi na tujh ko mere jallad aaya

    sar-kashi par jo wo sarw-e-sitam-ijad aaya

    pas aare ke ghisaTta hua shamshad aaya

    chashm-e-musa hama-tan ban gaya main hairat se

    dekha ek but ka wo aalam ki KHuda yaad aaya

    dam-e-aghaz-e-junun tauq gulu-gir hua

    ghul machane bhi na pae thi ki haddad aaya

    kaT gae mare KHajalat ke jawanan-e-chaman

    baDh par qad jo tera o sitam-ijad aaya

    aashiqon se na raha koi zamana KHali

    kabhi wamiq kabhi majnun kabhi farhad aaya

    dil mein ek dard uTha aankhon mein aansu bhar aae

    baiThe baiThe hamein kya jaaniye kya yaad aaya

    roe ghurbat mein hujum-e-gul-e-sahrai par

    chaman-e-majma-e-yaran-e-watan yaad aaya

    mizha-e-yar ke nashtar ke hue saudai

    KHun-e-fasid ki tarah josh mein fassad aaya

    ban gaya KHal-e-jabin kaukab-e-baKHt-e-yusuf

    kis taraqqi pe tera husn-e-KHuda-dad aaya

    aariz-e-saf ka khincha na gaya jab naqsha

    aaina le ke tere samne bahzad aaya

    bait-e-hasti ke 'saba' ho gae mani raushan

    KHwaja-'atish' sa zamane mein jo ustad aaya

    Source:

    Ghuncha-e-Arzu (Pg. 4)

    • Author: Wazir Ali Saba Lakhnavi
      • Edition: 1856
      • Publisher: Matba Mohammadi, Lucnow
      • Year of Publication: 1856
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now