ai sail-e-ab Thahar ab ke gardanon tak rah

ai sail-e-āb Thahar ab ke gardanoñ tak rah

tanoñ kī taḳhtiyāñ dhonī haiñ bas tanoñ tak rah

jahāñ hai shahr vahāñ duur tak darinde haiñ

ġhazal, ġhazāl ke hoñToñ pe aa banoñ tak rah

galī meñ taak meñ baiThe haiñ tifl-e-sañg-ba-dast

ai merī ḳhvāhish-e-ayyār āñganoñ tak rah

bahut se kaam haiñ jin se nipaTnā baaqī hai

visāl-rut to baḌī shai hai sāvanoñ tak rah

havā meñ tiir chalāne se fā.eda 'jāved'

tirī jab āñkheñ khulī haiñ to dushmanoñ tak rah

ai sail-e-ab Thahar ab ke gardanon tak rah

tanon ki taKHtiyan dhoni hain bas tanon tak rah

jahan hai shahr wahan dur tak darinde hain

ghazal, ghazal ke honTon pe aa banon tak rah

gali mein tak mein baiThe hain tifl-e-sang-ba-dast

ai meri KHwahish-e-ayyar aanganon tak rah

bahut se kaam hain jin se nipaTna baqi hai

visal-rut to baDi shai hai sawanon tak rah

hawa mein tir chalane se faeda 'jawed'

teri jab aankhen khuli hain to dushmanon tak rah