ai sanam der na kar anjuman-ara ho ja
ai sanam der na kar anjuman-ārā ho jā
merī dam toḌtī nazroñ kā sahārā ho jā
apne dāman meñ chhupā le mujhe mahbūb mire
mirī bigḌī huī qismat kā sitāra ho jā
ishq sachchā hai to phir rañg-e-duī Thiik nahīñ
ham tire ho ga.e ab tū bhī hamārā ho jā
mujh ko har vaqt hai lazzat-e-dīdār-e-sanam
merī nazroñ ke liye aisā sahārā ho jā
merī chāhat kā do-ālam meñ bharam rah jaa.e
tū mujhe merī mohabbat se pyārā ho jā
us ko paanā hai to kashtī se kinārā kar le
Duub kar bahr-e-mohabbat kā kinārā ho jā
huuñ 'fanā' ishq meñ tere tirā kahlātā huuñ
merī taqdīr badal merā sahārā ho jā
ai sanam der na kar anjuman-ara ho ja
meri dam toDti nazron ka sahaara ho ja
apne daman mein chhupa le mujhe mahbub mere
meri bigDi hui qismat ka sitara ho ja
ishq sachcha hai to phir rang-e-dui Thik nahin
hum tere ho gae ab tu bhi hamara ho ja
mujh ko har waqt hai lazzat-e-didar-e-sanam
meri nazron ke liye aisa sahaara ho ja
meri chahat ka do-alam mein bharam rah jae
tu mujhe meri mohabbat se pyara ho ja
us ko pana hai to kashti se kinara kar le
Dub kar bahr-e-mohabbat ka kinara ho ja
hun 'fana' ishq mein tere tera kahlata hun
meri taqdir badal mera sahaara ho ja
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
