ai shauq ke matwale kuchh tujhko KHabar bhi hai

ai shauq ke matvāle kuchh tujh ko ḳhabar bhī hai

ik tū hī nahīñ rusvā vo rashk-e-qamar bhī hai

dil ā.ina-e-mahfil aur mahfil-e-ā.īna

dekho mirī āñkhoñ meñ ā.īna-e-tar bhī hai

ai sho.ala-e-javvāla Tuk saath use bhī le

muddat se tamanna meñ ik ḳhāk-basar bhī hai

dil terī kashākash se aa.e to mire ghar vo

chehre pe magar un ke kuchh gard-e-safar bhī hai

maiñ un kā huuñ shaidā.ī mujh se unheñ nafrat hai

duniyā-e-mohabbat meñ jannat bhī saqar bhī hai

is va.ada-e-fardā kā kyā ḳhaak yaqīñ aa.e

lab par to tire haañ hai āñkhoñ meñ magar bhī hai

ā.īna-e-ma.anī par kī ham ne jilā 'naqvī'

ab bhī jo na ho qaa.il pūchho ki nazar bhī hai

ai shauq ke matwale kuchh tujh ko KHabar bhi hai

ek tu hi nahin ruswa wo rashk-e-qamar bhi hai

dil aaina-e-mahfil aur mahfil-e-aina

dekho meri aankhon mein aaina-e-tar bhi hai

ai shoala-e-jawwala Tuk sath use bhi le

muddat se tamanna mein ek KHak-basar bhi hai

dil teri kashakash se aae to mere ghar wo

chehre pe magar un ke kuchh gard-e-safar bhi hai

main un ka hun shaidai mujh se unhen nafrat hai

duniya-e-mohabbat mein jannat bhi saqar bhi hai

is wada-e-farda ka kya KHak yaqin aae

lab par to tere han hai aankhon mein magar bhi hai

aaina-e-mani par ki hum ne jila 'naqwi'

ab bhi jo na ho qail puchho ki nazar bhi hai