ai sitamgar ai hawa-surat

ai sitamgār ai havā-sūrat

gāhe-gāhe hameñ dikhā sūrat

koī sūrat nahīñ hai ab mumkin

hai yahī ek mumkina sūrat

jaan meñ jaan aa.ī muddat ba.ad

jab nazar aa.ī āshnā sūrat

guftugū ġhair se rahī us kī

maiñ faqat dekhtā rahā sūrat

zehn-o-dil meñ samā.egī kaise

ye tasavvur se māvarā sūrat

parkoñ meñ dikhā.ī detī hai

ek se ek dilrubā sūrat

dekh letā hai aadmī sab kuchh

yaad hotī hai ā.ina-sūrat

dil meñ bhartī hai vasvase 'nāmī'

ye tumhārī ḳhafā-ḳhafā sūrat

ai sitamgar ai hawa-surat

gahe-gahe hamein dikha surat

koi surat nahin hai ab mumkin

hai yahi ek mumkina surat

jaan mein jaan aai muddat baad

jab nazar aai aashna surat

guftugu ghair se rahi us ki

main faqat dekhta raha surat

zehn-o-dil mein samaegi kaise

ye tasawwur se mawara surat

parkon mein dikhai deti hai

ek se ek dilruba surat

dekh leta hai aadmi sab kuchh

yaad hoti hai aaina-surat

dil mein bharti hai waswase 'nami'

ye tumhaari KHafa-KHafa surat