ai yar nasihat ko agar gosh kare tu

ai yaar nasīhat ko agar gosh kare tū

ye taur-o-tarīq apne farāmosh kare tū

dīvāne siyāne hueñ sab dekh tujh añkhiyāñ

ik chashm kī gardish setī behosh kare tū

ai sarv-chamāñ aave agar merī baġhal meñ

jannat kā chaman ḳhāna-e-āġhosh kare tū

hūrāñ na kareñ ḳhuld ke gulbun kā nazārā

jab sīm-badan apne ko gul-posh kare tū

is 'fā.ez'-e-bechāre kī tab qadr pacchāne

ik jaam mohabbat kā agar nosh kare tū

ai yar nasihat ko agar gosh kare tu

ye taur-o-tariq apne faramosh kare tu

diwane siyane huen sab dekh tujh ankhiyan

ek chashm ki gardish seti behosh kare tu

ai sarw-chaman aawe agar meri baghal mein

jannat ka chaman KHana-e-aghosh kare tu

huran na karen KHuld ke gulbun ka nazara

jab sim-badan apne ko gul-posh kare tu

is 'faez'-e-bechaare ki tab qadr pacchane

ek jam mohabbat ka agar nosh kare tu