aisa bana diya tujhe qudrat KHuda ki hai

Bekhud Dehlvi

aisa bana diya tujhe qudrat KHuda ki hai

Bekhud Dehlvi

MORE BYBekhud Dehlvi

    aisā banā diyā tujhe qudrat ḳhudā hai

    kis husn hai husn adā kis adā hai

    chashm-e-siyāh-e-yār se sāzish hayā hai

    lailā ke saath meñ ye sahelī balā hai

    tasvīr kyuuñ dikhā.eñ tumheñ naam kyuuñ batā.eñ

    laa.e haiñ ham kahīñ se kisī bevafā hai

    andāz mujh se aur haiñ dushman se aur Dhañg

    pahchān mujh ko apnī parā.ī qazā hai

    maġhrūr kyuuñ haiñ aap javānī par is qadar

    ye mere naam hai ye merī duā hai

    dushman ke ghar se chal ke dikhā do judā judā

    ye bāñkpan chaal ye nāz-o-adā hai

    rah rah ke le rahī hai mire dil meñ chuTkiyāñ

    phislī huī girah tire band-e-qabā hai

    gardan muḌī nigāh laḌī baat kuchh na

    shoḳhī to ḳhair aap tamkīñ balā hai

    hotī hai roz bāda-kashoñ duā qubūl

    ai mohtasib ye shān-e-karīmī ḳhudā hai

    jitne gile the un ke vo sab dil se dhul ga.e

    jhepī huī nigāh talāfī jafā hai

    chhuptā hai ḳhuun bhī kahīñ muTThī to kholiye

    rañgat yahī hinā yahī hinā hai

    kah do ki be-vazū na chhue us ko mohtasib

    botal meñ band ruuh kisī pārsā hai

    maiñ imtihān de ke unheñ kyuuñ na mar gayā

    ab ġhair se bhī un ko tamannā vafā hai

    dekho to ke hazrat-e-'beḳhud' na huuñ kahīñ

    dāvat sharāb-ḳhāne meñ ik pārsā hai

    aisa bana diya tujhe qudrat KHuda ki hai

    kis husn ka hai husn ada kis ada ki hai

    chashm-e-siyah-e-yar se sazish haya ki hai

    laila ke sath mein ye saheli bala ki hai

    taswir kyun dikhaen tumhein nam kyun bataen

    lae hain hum kahin se kisi bewafa ki hai

    andaz mujh se aur hain dushman se aur Dhang

    pahchan mujh ko apni parai qaza ki hai

    maghrur kyun hain aap jawani par is qadar

    ye mere nam ki hai ye meri dua ki hai

    dushman ke ghar se chal ke dikha do juda juda

    ye bankpan ki chaal ye naz-o-ada ki hai

    rah rah ke le rahi hai mere dil mein chuTkiyan

    phisli hui girah tere band-e-qaba ki hai

    gardan muDi nigah laDi baat kuchh na ki

    shoKHi to KHair aap ki tamkin bala ki hai

    hoti hai roz baada-kashon ki dua qubul

    ai mohtasib ye shan-e-karimi KHuda ki hai

    jitne gile the un ke wo sab dil se dhul gae

    jhepi hui nigah talafi jafa ki hai

    chhupta hai KHun bhi kahin muTThi to kholiye

    rangat yahi hina ki yahi bu hina ki hai

    kah do ki be-wazu na chhue us ko mohtasib

    botal mein band ruh kisi parsa ki hai

    main imtihan de ke unhen kyun na mar gaya

    ab ghair se bhi un ko tamanna wafa ki hai

    dekho to ja ke hazrat-e-'beKHud' na hun kahin

    dawat sharab-KHane mein ek parsa ki hai

    RECITATIONS

    Nomaan Shauque

    Nomaan Shauque,

    Nomaan Shauque

    aisa bana diya tujhe qudrat KHuda ki hai Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now