aisa lagta hai dabe panw qaza aati hai
aisā lagtā hai dabe paañv qazā aatī hai
jab kabhī dil ke dhaḌakne kī sadā aatī hai
dam hī ghuT jaa.e mirī zaat ke zindāñ meñ mirā
bas tirī yaad ke rauzan se havā aatī hai
dhuup se shaam kī dīvār banā letā huuñ
raat har roz vo dīvār girā aatī hai
ab ka.ī din nahīñ aatī tirī ḳhushbū mujh se
aur jab aatī hai to had se sivā aatī hai
āsmāñ oḌhūñ to kuchh baat banegī shāyad
varna is tan pe kahāñ koī qabā aatī hai
dil kī tanhā.ī kā kyā haal bayāñ ho tum se
itnī tanhā.ī ki ḳhushbū-e-ḳhudā aatī hai
aisa lagta hai dabe panw qaza aati hai
jab kabhi dil ke dhaDakne ki sada aati hai
dam hi ghuT jae meri zat ke zindan mein mera
bas teri yaad ke rauzan se hawa aati hai
dhup se sham ki diwar bana leta hun
raat har roz wo diwar gira aati hai
ab kai din nahin aati teri KHushbu mujh se
aur jab aati hai to had se siwa aati hai
aasman oDhun to kuchh baat banegi shayad
warna is tan pe kahan koi qaba aati hai
dil ki tanhai ka kya haal bayan ho tum se
itni tanhai ki KHushbu-e-KHuda aati hai
Source:
Subh Bakhair Zindagi (Pg. 35)
- Author: Ameer Imam
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
