aisa mumkin hi nahin tha main pukara jata

aisā mumkin hī nahīñ thā maiñ pukārā jaatā

maiñ na jaatā to koī aur hī maarā jaatā

lazzat-e-vasl se achchhī thī vo girya-zārī

ab to is jiit se behtar thā maiñ haarā jaatā

ibn-e-ādam huuñ sar-andīp ke sāhil pe khaḌā

merī ḳhātir koī duniyā meñ utārā jaatā

us kī āñkhoñ se paḌhe the jo sahīfe maiñ ne

un sahīfoñ se koī naqsh ubhārā jaatā

ham junūñ-ḳhez marāhil se na guzre varna

ham jidhar jaate udhar vaqt kā dhārā jaatā

sunñā chāhoge fanā hote hue shaḳhs kā ḳhvāb

jis kī hasrat thī tire naam pe vaarā jaatā

gar Dubotā vo mujhe ḳhud bhī na bachtā dariyā

maiñ jo tūfān meñ Dhaltā to kināra jaatā

'ishq vāloñ hī se nisbat mirī likkhī jaatī

terī galiyoñ meñ 'safī' kaash guzārā jaatā

aisa mumkin hi nahin tha main pukara jata

main na jata to koi aur hi mara jata

lazzat-e-wasl se achchhi thi wo girya-zari

ab to is jit se behtar tha main haara jata

ibn-e-adam hun sar-andip ke sahil pe khaDa

meri KHatir koi duniya mein utara jata

us ki aankhon se paDhe the jo sahife main ne

un sahifon se koi naqsh ubhaara jata

hum junun-KHez marahil se na guzre warna

hum jidhar jate udhar waqt ka dhaara jata

sunna chahoge fana hote hue shaKHs ka KHwab

jis ki hasrat thi tere nam pe wara jata

gar Dubota wo mujhe KHud bhi na bachta dariya

main jo tufan mein Dhalta to kinara jata

'ishq walon hi se nisbat meri likkhi jati

teri galiyon mein 'safi' kash guzara jata