aisa nahin kisi se mohabbat nahin hamein

aisā nahīñ kisī se mohabbat nahīñ hameñ

par kyā kareñ ki shauq-e-vazāhat nahīñ hameñ

is tarah kho ga.e haiñ ġham-e-zindagī meñ ham

phūloñ ko dekhne kī bhī fursat nahīñ hameñ

kitne makān ham ne to ta.amīr kar liye

aur un ko ghar banāne kī chāhat nahīñ hameñ

yuuñ band ho ga.e haiñ darīche bhī soch ke

ab to kisī se koī shikāyat nahīñ hameñ

mahsūs jo kareñ vahī kahte haiñ barmalā

kuchh dil meñ baat rakhne kī aadat nahīñ hameñ

terā ḳhayāl dil meñ samāyā hai is tarah

kuchh aur sochne kī zarūrat nahīñ hameñ

ġham aur ḳhushī to 'nāz' muqaddar kā khel hai

shikva kisī se karne kī aadat nahīñ hameñ

aisa nahin kisi se mohabbat nahin hamein

par kya karen ki shauq-e-wazahat nahin hamein

is tarah kho gae hain gham-e-zindagi mein hum

phulon ko dekhne ki bhi fursat nahin hamein

kitne makan hum ne to tamir kar liye

aur un ko ghar banane ki chahat nahin hamein

yun band ho gae hain dariche bhi soch ke

ab to kisi se koi shikayat nahin hamein

mahsus jo karen wahi kahte hain barmala

kuchh dil mein baat rakhne ki aadat nahin hamein

tera KHayal dil mein samaya hai is tarah

kuchh aur sochne ki zarurat nahin hamein

gham aur KHushi to 'naz' muqaddar ka khel hai

shikwa kisi se karne ki aadat nahin hamein