aisa to kaenat mein koi bashar nahin

aisā to kā.enāt meñ koī bashar nahīñ

jis par tumhāre lutf-o-karam kī nazar nahīñ

jis hādse ne aap ko ham se milā diyā

us hādse kī aap ko shāyad ḳhabar nahīñ

ab to har ek gaam pe tum mere saath ho

ab mujh ko fikr-e-gardish-e-shām-o-sahar nahīñ

naqsh-e-qadam pe aap ke rakhtā huuñ maiñ nazar

us ke sivā to koī mirā rāhbar nahīñ

bas aarzū yahī hai tirā ġham nasīb ho

dil meñ hamāre ārzū-e-sīm-o-zar nahīñ

ahl-e-ḳhirad kī baat kā 'āshiq' yaqīn kyā

vaise bhī un kī baat koī mo'tabar nahīñ

aisa to kaenat mein koi bashar nahin

jis par tumhaare lutf-o-karam ki nazar nahin

jis hadse ne aap ko hum se mila diya

us hadse ki aap ko shayad KHabar nahin

ab to har ek gam pe tum mere sath ho

ab mujh ko fikr-e-gardish-e-sham-o-sahar nahin

naqsh-e-qadam pe aap ke rakhta hun main nazar

us ke siwa to koi mera rahbar nahin

bas aarzu yahi hai tera gham nasib ho

dil mein hamare aarzu-e-sim-o-zar nahin

ahl-e-KHirad ki baat ka 'ashiq' yaqin kya

waise bhi un ki baat koi mo'tabar nahin