aisī aadat paḌī laḌā.ī kī
jaan letā hai bhaa.ī bhaa.ī kī
uñgliyāñ uThtī haiñ ḳhudā.ī kī
hat tirī aisī be-hayā.ī kī
dhajjiyāñ mai-kade meñ shaiḳh kī aaj
ḳhuub uḌtī haiñ pārsā.ī kī
jab se haath aaya un ke ghar kā nizām
sun rahā huuñ baḌī safā.ī kī
jis ke aage zamāna jhuktā hai
hai vo bas ek zaat naa.ī kī
jis pe netā kī ho ga.iiñ nazreñ
us ne is daur meñ ḳhudā.ī kī
vo hasīnoñ kī jūtiyāñ khā.eñ
ho zarūrat jinheñ kamā.ī kī
ishq kī aag meñ jo jaltā hai
us ko hājat nahīñ razā.ī kī
aisi aadat paDi laDai ki
jaan leta hai bhai bhai ki
ungliyan uThti hain KHudai ki
hat teri aisi be-hayai ki
dhajjiyan mai-kade mein shaiKH ki aaj
KHub uDti hain parsai ki
jab se hath aaya un ke ghar ka nizam
sun raha hun baDi safai ki
jis ke aage zamana jhukta hai
hai wo bas ek zat nai ki
jis pe neta ki ho gain nazren
us ne is daur mein KHudai ki
wo hasinon ki jutiyan khaen
ho zarurat jinhen kamai ki
ishq ki aag mein jo jalta hai
us ko hajat nahin razai ki
Source:
Hansi Ka Pitara (Pg. 150)
-
Author:
Navak Lakhnavi
-
- Publisher: Syed Habeeb Akbar Naqvi
- Year of Publication: 1992
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.