aisi koyal na papihe ki hai pyari aawaz

Imdad Ali Bahr

aisi koyal na papihe ki hai pyari aawaz

Imdad Ali Bahr

MORE BYImdad Ali Bahr

    aisī koyal na papīhe hai pyārī āvāz

    kyā bhalī lagtī hai kānoñ ko tumhārī āvāz

    jab mujhe tum ne pukārā ye duā maiñ ne

    rahe makke meñ madīne meñ tumhārī āvāz

    aap ke bol sunā.e vo hameñ kyā qudrat

    aisī paidā to kare koī sitārī āvāz

    sun ke bismil hue ham naġhma-sarā.ī un

    nahīñ ma.alūm chhurī hai ki kaTārī āvāz

    be-sure sāmne us ke rahe tambūr-o-sitār

    ke tāroñ ke juārī ne sañvārī āvāz

    is tarah roiye aañsū faqat āñkhoñ se baheñ

    muñh se nikle na dam-e-giryā-o-zārī āvāz

    chuTkiyoñ meñ na uḌā mujh ko muġhannī batlā

    saaz ke parde meñ kis hai ye pyārī āvāz

    aise naale kiye ham ne ki galā baiTh gayā

    aa.ī aafat vo gale par ki sidhārī āvāz

    naach gaane meñ vo aalam hai jo dekhe vo kahe

    sar-basar tum ho parī sho.ala hai saarī āvāz

    'bahr' ro.e ho zarūr aaj kisī ke liye tum

    surḳh surḳh āñkheñ bhī haiñ aur hai bhārī āvāz

    aisi koyal na papihe ki hai pyari aawaz

    kya bhali lagti hai kanon ko tumhaari aawaz

    jab mujhe tum ne pukara ye dua di main ne

    rahe makke mein madine mein tumhaari aawaz

    aap ke bol sunae wo hamein kya qudrat

    aisi paida to kare koi sitari aawaz

    sun ke bismil hue hum naghma-sarai un ki

    nahin malum chhuri hai ki kaTari aawaz

    be-sure samne us ke rahe tambur-o-sitar

    la ke taron ke juari ne sanwari aawaz

    is tarah roiye aansu faqat aankhon se bahen

    munh se nikle na dam-e-girya-o-zari aawaz

    chuTkiyon mein na uDa mujh ko mughanni batla

    saz ke parde mein kis ki hai ye pyari aawaz

    aise nale kiye hum ne ki gala baiTh gaya

    aai aafat wo gale par ki sidhaari aawaz

    nach gane mein wo aalam hai jo dekhe wo kahe

    sar-basar tum ho pari shoala hai sari aawaz

    'bahr' roe ho zarur aaj kisi ke liye tum

    surKH surKH aankhen bhi hain aur hai bhaari aawaz

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY