aisi uljhan ho kabhi aisi bhi ruswai ho

Nabeel Ahmad Nabeel

aisi uljhan ho kabhi aisi bhi ruswai ho

Nabeel Ahmad Nabeel

MORE BYNabeel Ahmad Nabeel

    aisī uljhan ho kabhī aisī bhī rusvā.ī ho

    dil ke har zaḳhm meñ dariyāoñ gahrā.ī ho

    ishq meñ aise kisī bhī na rusvā.ī ho

    har-qadam paañv meñ zanjīr nazar aa.ī ho

    is tarah yaad tirī dil meñ chalī aa.ī ho

    jis tarah koī kalī shāḳh pe muskā.ī ho

    yuuñ guzarte haiñ tire hijr meñ din-rāt mire

    jaan pe jaise kisī shaḳhs ke ban aa.ī ho

    diid se pyaas bujhe chashm-e-tamannā kabhī

    husn-e-zebā se dil-e-zār zebā.ī ho

    qarīb aayā to aisā mujhe mahsūs huā

    terī ḳhushbū mirī sāñsoñ meñ simaT aa.ī ho

    aise bojhal haiñ tire ba.ad mohabbat ke qadam

    jaise laḌkī kisī dehāt ghabrā.ī ho

    ek arsa huā manzar nahīñ dekhā koī

    husn-e-zebā se mirī aañkh meñ ra.anā.ī ho

    mil bhī saktā hai hameñ manzil-e-hastī surāġh

    vaqt ne paañv meñ zanjīr na pahnā.ī ho

    is tarah dekhtā hai mujh ko vo ik shaḳhs yahāñ

    jis tarah ek zamāne shanāsā.ī ho

    rāste aise chamak uThte haiñ rafta rafta

    muntazir jaise nazar raah meñ phailā.ī ho

    kaash aisā bhī koī lamha mayassar aa jaa.e

    ishq baat bane ġham pazīrā.ī ho

    aise siine meñ pareshān hai dil honā

    har taraf dhuul ho har or meñ tanhā.ī ho

    dil bhī jaltā ho judā.ī meñ sharāre tarah

    giilī lakḌī tarah jaan bhī sulgā.ī ho

    gulshan-e-zīst meñ raqsāñ ho bahāroñ samāñ

    tere āñchal se har ik shāḳh rañgvā.ī ho

    husn ko ishq ke aa jaa.eñ jo ādāb kabhī

    aañkh shaidā.ī na ho dil na tamannā.ī ho

    arsa-e-zīst meñ aisā na koī lamha milā

    kisī saa.at ne kalī pyaar mahkā.ī ho

    dā.ere aise banātī hai yahāñ qaus-e-quzah

    hū-ba-hū jaise kisī shoḳh añgḌā.ī ho

    zindagī aise kaTī tāna-o-dushnām ke saath

    merā honā bhī mire ġham shanāsā.ī ho

    chain aatā hai tamannā ko na armāñ ko sakūñ

    jab mohabbat kalī ḳhauf se murjhā.ī ho

    bech ke ḳhud ko bhī ḳhushiyāñ na ḳharīdī jaa.eñ

    terī duniyā meñ na aisī kabhī mahñgā.ī ho

    mujh ko gul-rañg bahāroñ se yahī lagtā hai

    jaise parvā tirī ḳhushbū ko liye aa.ī ho

    dekh kar rañg bahāroñ ke mujhe lagtā hai

    jaise chunarī kisī doshīza ne phailā.ī ho

    phuul tarah sabhī daaġh mahakne lag jaa.eñ

    kaash aisā bhī kahīñ tarz-e-masīhā.ī ho

    kaisā manzar ho ki sar phoḌte dīvānoñ ke

    sañg ho haath meñ aur sāmne harjā.ī ho

    hai mizāj apnā alag apnī tabī.at hai judā

    kaise is daur ke logoñ se shanāsā.ī ho

    vo suḳhan-var jo suḳhan-var haiñ haqīqī sāhab

    aise logoñ kabhī jashn-e-pazīrā.ī ho

    zaḳhm us shoḳh ne is baar lagāyā vo 'nabīl'

    jaise biphre hue dariyāoñ gahrā.ī ho

    chaa.e cup ho 'nabīl' aur kisī yādeñ

    raat pichhlā pahar ālam-e-tanhā.ī ho

    aisī hālat meñ nazar aayā hai vo aaj 'nabīl'

    jaise sheroñ meñ koī qāfiya-paimā.ī ho

    aisi uljhan ho kabhi aisi bhi ruswai ho

    dil ke har zaKHm mein dariyaon ki gahrai ho

    ishq mein aise kisi ki bhi na ruswai ho

    har-qadam panw mein zanjir nazar aai ho

    is tarah yaad teri dil mein chali aai ho

    jis tarah koi kali shaKH pe muskai ho

    yun guzarte hain tere hijr mein din-raat mere

    jaan pe jaise kisi shaKHs ke ban aai ho

    did se pyas bujhe chashm-e-tamanna ki kabhi

    husn-e-zeba se dil-e-zar ki zebai ho

    tu qarib aaya to aisa mujhe mahsus hua

    teri KHushbu meri sanson mein simaT aai ho

    aise bojhal hain tere baad mohabbat ke qadam

    jaise laDki kisi dehat ki ghabrai ho

    ek arsa hua manzar nahin dekha koi

    husn-e-zeba se meri aankh mein ranai ho

    mil bhi sakta hai hamein manzil-e-hasti ka suragh

    waqt ne panw mein zanjir na pahnai ho

    is tarah dekhta hai mujh ko wo ek shaKHs yahan

    jis tarah ek zamane ki shanasai ho

    raste aise chamak uThte hain rafta rafta

    muntazir jaise nazar rah mein phailai ho

    kash aisa bhi koi lamha mayassar aa jae

    ishq ki baat bane gham ki pazirai ho

    aise sine mein pareshan hai dil ka hona

    har taraf dhul ho har or mein tanhai ho

    dil bhi jalta ho judai mein sharare ki tarah

    gili lakDi ki tarah jaan bhi sulgai ho

    gulshan-e-zist mein raqsan ho bahaaron ka saman

    tere aanchal se har ek shaKH hi rangwai ho

    husn ko ishq ke aa jaen jo aadab kabhi

    aankh shaidai na ho dil na tamannai ho

    arsa-e-zist mein aisa na koi lamha mila

    kisi saat ne kali pyar ki mahkai ho

    daere aise banati hai yahan qaus-e-quzah

    hu-ba-hu jaise kisi shoKH ki angDai ho

    zindagi aise kaTi tana-o-dushnam ke sath

    mera hona bhi mere gham ka shanasai ho

    chain aata hai tamanna ko na arman ko sakun

    jab mohabbat ki kali KHauf se murjhai ho

    bech ke KHud ko bhi KHushiyan na KHaridi jaen

    teri duniya mein na aisi kabhi mahngai ho

    mujh ko gul-rang bahaaron se yahi lagta hai

    jaise parwa teri KHushbu ko liye aai ho

    dekh kar rang bahaaron ke mujhe lagta hai

    jaise chunari kisi doshiza ne phailai ho

    phul ki tarah sabhi dagh mahakne lag jaen

    kash aisa bhi kahin tarz-e-masihai ho

    kaisa manzar ho ki sar phoDte diwanon ke

    sang ho hath mein aur samne harjai ho

    hai mizaj apna alag apni tabiat hai juda

    kaise is daur ke logon se shanasai ho

    wo suKHan-war jo suKHan-war hain haqiqi sahab

    aise logon ka kabhi jashn-e-pazirai ho

    zaKHm us shoKH ne is bar lagaya wo 'nabil'

    jaise biphre hue dariyaon ki gahrai ho

    chae ka cup ho 'nabil' aur kisi ki yaaden

    raat ka pichhla pahar aalam-e-tanhai ho

    aisi haalat mein nazar aaya hai wo aaj 'nabil'

    jaise sheron mein koi qafiya-paimai ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY