ajab dasht-e-hawas ka silsila hai

ajab dasht-e-havas kā silsila hai

badan āvāz ban kar gūñjtā hai

ki vo dīvār ūñchī ho ga.ī hai

ki merā qad hī chhoTā ho gayā hai

gale tak bhar gayā andhā kuaañ bhī

mirī āvāz par kam boltā hai

maiñ apnī jāma-poshī par pashīmāñ

vo apnī be-libāsī par fidā hai

badan par chyūñTiyāñ sī reñgtī haiñ

ye kaisā khurdurā bistar bichhā hai

vo āñkheñ ho ga.iiñ taqsīm do par

javāb ab aur mushkil ho gayā hai

vo bahte pāniyoñ par naqsh hogā

jo bhīgī ret par likkhā huā hai

paḌhā thā jo kitāb-e-zindagī se

vahī lauh-e-badan par likh diyā hai

ajab dasht-e-hawas ka silsila hai

badan aawaz ban kar gunjta hai

ki wo diwar unchi ho gai hai

ki mera qad hi chhoTa ho gaya hai

gale tak bhar gaya andha kuan bhi

meri aawaz par kam bolta hai

main apni jama-poshi par pashiman

wo apni be-libasi par fida hai

badan par chyunTiyan si rengti hain

ye kaisa khurdura bistar bichha hai

wo aankhen ho gain taqsim do par

jawab ab aur mushkil ho gaya hai

wo bahte paniyon par naqsh hoga

jo bhigi ret par likkha hua hai

paDha tha jo kitab-e-zindagi se

wahi lauh-e-badan par likh diya hai