ajab marhalon se guzara gaya main

ajab marhaloñ se guzārā gayā maiñ

phir is ḳhāk-dāñ par utārā gayā maiñ

zarūrat nahīñ thā maiñ din bhar kisī kī

jahāñ shaam aa.ī pukārā gayā maiñ

ḳhabar hī nahīñ thī safar hai kahāñ tak

jahāñ tak gayā vo sitāra gayā maiñ

mohabbat nahīñ maiñ tamāshā thā jaise

galī se tirī yuuñ guzārā gayā maiñ

maiñ darvesh thā aur na āshiq magar dil

tire sañg be-maut maarā gayā maiñ

mujhe to talab thī mohabbat kī 'ḳhāvar'

magar tohmatoñ se sañvārā gayā maiñ

ajab marhalon se guzara gaya main

phir is KHak-dan par utara gaya main

zarurat nahin tha main din bhar kisi ki

jahan sham aai pukara gaya main

KHabar hi nahin thi safar hai kahan tak

jahan tak gaya wo sitara gaya main

mohabbat nahin main tamasha tha jaise

gali se teri yun guzara gaya main

main darwesh tha aur na aashiq magar dil

tere sang be-maut mara gaya main

mujhe to talab thi mohabbat ki 'KHawar'

magar tohmaton se sanwara gaya main