ajab shai hai buDhapa aadmi bekar hota hai

ajab shai hai buḌhāpā aadmī bekār hotā hai

kisī sūrat uThā to baiThnā dushvār hotā hai

vo kyā jaane nasīm-e-sub.h-dam kī mushk-afshānī

bahā.im kī tarah jo din chaḌhe bedār hotā hai

ġhazal kahne meñ ai jān-e-ġhazal hotī hai dushvārī

nazar ke sāmne jab tū na jalva-bār hotā hai

agar ho tandurustī āsh-e-jau nā-e-muraġhġhan hai

tabī.at muzmahil ho gar to gul bhī ḳhaar hotā hai

bahar-sū justujū-e-marg meñ phirtā huuñ āvāra

sunā hai baad marne ke tirā dīdār hotā hai

'jalāl'-e-be-navā sar par ye kyā vaqt-e-ḳharāb aaya

qalam ko uñgliyoñ se thāmnā bhī baar hotā hai

ajab shai hai buDhapa aadmi bekar hota hai

kisi surat uTha to baiThna dushwar hota hai

wo kya jaane nasim-e-subh-dam ki mushk-afshani

bahaim ki tarah jo din chaDhe bedar hota hai

ghazal kahne mein ai jaan-e-ghazal hoti hai dushwari

nazar ke samne jab tu na jalwa-bar hota hai

agar ho tandurusti aash-e-jau na-e-muraghghan hai

tabiat muzmahil ho gar to gul bhi KHar hota hai

bahar-su justuju-e-marg mein phirta hun aawara

suna hai baad marne ke tera didar hota hai

'jalal'-e-be-nawa sar par ye kya waqt-e-KHarab aaya

qalam ko ungliyon se thamna bhi bar hota hai