ajab uljhan hai jo samjha nahin hun

Imtiyaz Ali Gauhar

ajab uljhan hai jo samjha nahin hun

Imtiyaz Ali Gauhar

MORE BY Imtiyaz Ali Gauhar

    ajab uljhan hai jo samjhā nahīñ huuñ

    jahāñ hotā huuñ maiñ hotā nahīñ huuñ

    hiqārat se mujhe kyuuñ dekhtā hai

    batā kyā maiñ tire jaisā nahīñ huuñ

    vo merī baat jab suntā nahīñ hai

    jo mere dil meñ hai kahtā nahīñ huuñ

    ta.alluq toḌtā huuñ dushmanoñ se

    kabhī yāroñ se maiñ laḌtā nahīñ huuñ

    jahāñ izzat nahīñ miltī hai mujh ko

    vahāñ par maiñ kabhī jaatā nahīñ huuñ

    ravānī meñ mujhe rahnā paḌegā

    maiñ dariyā huuñ koī sahrā nahīñ huuñ

    bhaḌaktā huuñ maiñ apnī lau se 'gauhar'

    kisī aag se jaltā nahīñ huuñ

    ajab uljhan hai jo samjha nahin hun

    jahan hota hun main hota nahin hun

    hiqarat se mujhe kyun dekhta hai

    bata kya main tere jaisa nahin hun

    wo meri baat jab sunta nahin hai

    jo mere dil mein hai kahta nahin hun

    talluq toDta hun dushmanon se

    kabhi yaron se main laDta nahin hun

    jahan izzat nahin milti hai mujh ko

    wahan par main kabhi jata nahin hun

    rawani mein mujhe rahna paDega

    main dariya hun koi sahra nahin hun

    bhaDakta hun main apni lau se 'gauhar'

    kisi ki aag se jalta nahin hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY