aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ajab zamane ki gardishen hain KHuda hi bas yaad aa raha hai

Hafeez Jaunpuri

ajab zamane ki gardishen hain KHuda hi bas yaad aa raha hai

Hafeez Jaunpuri

MORE BYHafeez Jaunpuri

    ajab zamāne gardisheñ haiñ ḳhudā bas yaad aa rahā hai

    nazar na jis se milāte the ham vahī ab āñkheñ dikhā rahā hai

    baḌhī hai aapas meñ bad-gumānī maza mohabbat aa rahā hai

    ham us ke dil ko TaTolte haiñ to ham ko vo aazmā rahā hai

    ghar apnā kartī hai nā-umīdī hamāre dil meñ ġhazab hai dekhiyo

    ye vo makāñ hai ki jis meñ barsoñ umīdoñ jamghaTā rahā hai

    badal gayā hai mizāj un maiñ apne is jazb-e-dil ke sadqe

    vahī shikāyat hai ab udhar se idhar jo pahle gila rahā hai

    kisī jab aas TuuT jaa.e to ḳhaak vo aasrā lagā.e

    shikasta dil kar ke mujh ko zālim nigāh ab kyā milā rahā hai

    yahāñ to tark-e-sharāb se ḳhud dil-o-jigar phuñk rahe haiñ vaa.iz

    sunā ke dozaḳh zikr-e-nāhaq jale ko bhī jalā rahā hai

    karūñ na kyuuñ husn nazāra sunūñ na kyuuñ ishq fasāna

    isī to mashġhala thā barsoñ isī to valvala rahā hai

    umiid jab had se baḌh ga.ī ho to hāsil us hai nā-umīdī

    bhalā na kyuuñ yaas daf.atan ho ki muddatoñ aasrā rahā hai

    mujhe tavaqqo.a ho kyā ḳhabar zabāñ hai qāsid haath bhar

    lagī havā tak nahīñ udhar abhī se bāteñ banā rahā hai

    zarā yahāñ jis ne sar uThāyā ki us ne nīchā use dikhāyā

    koī batā.e to ye zamāna kasī bhī āshnā rahā hai

    'hafīz' apnā kamāl thā ye ki jis ke hāthoñ zavāl dekhā

    falak ne jitnā hameñ baḌhāyā ziyāda us se ghaTā rahā hai

    ajab zamane ki gardishen hain KHuda hi bas yaad aa raha hai

    nazar na jis se milate the hum wahi ab aankhen dikha raha hai

    baDhi hai aapas mein bad-gumani maza mohabbat ka aa raha hai

    hum us ke dil ko TaTolte hain to hum ko wo aazma raha hai

    ghar apna karti hai na-umidi hamare dil mein ghazab hai dekhiyo

    ye wo makan hai ki jis mein barson umidon ka jamghaTa raha hai

    badal gaya hai mizaj un ka main apne is jazb-e-dil ke sadqe

    wahi shikayat hai ab udhar se idhar jo pahle gila raha hai

    kisi ki jab aas TuT jae to KHak wo aasra lagae

    shikasta dil kar ke mujh ko zalim nigah ab kya mila raha hai

    yahan to tark-e-sharab se KHud dil-o-jigar phunk rahe hain waiz

    suna ke dozaKH ka zikr-e-nahaq jale ko tu bhi jala raha hai

    karun na kyun husn ka nazara sunun na kyun ishq ka fasana

    isi ka to mashghala tha barson isi ka to walwala raha hai

    umid jab had se baDh gai ho to hasil us ka hai na-umidi

    bhala na kyun yas dafatan ho ki muddaton aasra raha hai

    mujhe tawaqqoa ho kya KHabar ki zaban hai qasid ki hath bhar ki

    lagi hawa tak nahin udhar ki abhi se baaten bana raha hai

    zara yahan jis ne sar uThaya ki us ne nicha use dikhaya

    koi batae to ye zamana kasi ka bhi aashna raha hai

    'hafiz' apna kamal tha ye ki jis ke hathon zawal dekha

    falak ne jitna hamein baDhaya ziyaada us se ghaTa raha hai

    Source:

    Diwan-e-Hafeez(Rekhta Website) (Pg. 129)

    • Author: Hafeez Jaunpuri
      • Edition: 1903
      • Publisher: Matba Hakeem,Gorakhpur
      • Year of Publication: 1903
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now