ajib dukh hai labon par gila koi bhi na tha

ajiib dukh hai laboñ par gilā koī bhī na thā

bichhaḌte vaqt kisī se ḳhafā koī bhī na thā

har ek shaḳhs ko sachche hurūf azbar the

kisī ke paas magar mo.ajiza koī bhī na thā

ba-nām-e-husn sabhī guftugū kamāl kī thī

ye aur baat sar-e-ā.ina koī bhī na thā

azāb-e-zehn thī ik mehr āb-o-dāne par

tire nagar meñ ḳhushī se rahā koī bhī na thā

pas-e-zamīr adālat sabhī ko hāsil thī

magar ba-vaqt-e-zarūrat kharā koī bhī na thā

ajib dukh hai labon par gila koi bhi na tha

bichhaDte waqt kisi se KHafa koi bhi na tha

har ek shaKHs ko sachche huruf azbar the

kisi ke pas magar moajiza koi bhi na tha

ba-nam-e-husn sabhi guftugu kamal ki thi

ye aur baat sar-e-aina koi bhi na tha

azab-e-zehn thi ek mehr aab-o-dane par

tere nagar mein KHushi se raha koi bhi na tha

pas-e-zamir adalat sabhi ko hasil thi

magar ba-waqt-e-zarurat khara koi bhi na tha