ajib hum hain sabab ke baghair chahte hain
ajiib ham haiñ sabab ke baġhair chāhte haiñ
tumheñ tumhārī talab ke baġhair chāhte haiñ
faqīr vo haiñ jo allāh tere bandoñ ko
har imtiyāz-e-nasab ke baġhair chāhte haiñ
mazā to ye hai unheñ bhī navāztā hai rab
jo is jahān ko rab ke baġhair chāhte haiñ
nahīñ hai khel koī un se guftugū karnā
suḳhan vo jumbish-e-lab ke baġhair chāhte haiñ
ThaThurtī raat meñ chādar bhī jin ke paas nahīñ
vo din nikālnā shab ke baġhair chāhte haiñ
jamī hai gard siyāsat kī jin ke zehnoñ par
mushā.era bhī adab ke baġhair chāhte haiñ
hai e'timād unheñ ḳhud par ġhurūr kī had tak
akele jiinā jo sab ke baġhair chāhte haiñ
ajib hum hain sabab ke baghair chahte hain
tumhein tumhaari talab ke baghair chahte hain
faqir wo hain jo allah tere bandon ko
har imtiyaz-e-nasab ke baghair chahte hain
maza to ye hai unhen bhi nawazta hai rab
jo is jahan ko rab ke baghair chahte hain
nahin hai khel koi un se guftugu karna
suKHan wo jumbish-e-lab ke baghair chahte hain
ThaThurti raat mein chadar bhi jin ke pas nahin
wo din nikalna shab ke baghair chahte hain
jami hai gard siyasat ki jin ke zehnon par
mushaera bhi adab ke baghair chahte hain
hai e'timad unhen KHud par ghurur ki had tak
akele jina jo sab ke baghair chahte hain
Source:
Kashkol (Pg. 42)
- Author: Tahir Faraz
-
- Edition: 2004
- Publisher: Isteara Publications
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
