ajib karb-e-musalsal dil-o-nazar mein raha
ajiib karb-e-musalsal dil-o-nazar meñ rahā
vo raushnī kā musāfir añdhere ghar meñ rahā
vo chāñdnī kā muraqqa.a nahīñ thā jugnū thā
charāġh ban ke jalā aur shajar shajar meñ rahā
kahāvatoñ kī tarah vo bhī shahr-e-ma.anī thā
bujhā bujhā sā diyā jo kisī khañDar meñ rahā
vo jis ko khoj sarāboñ meñ thī samundar kī
vo apne dasht-e-dil-o-jāñ kī rahguzar meñ rahā
vahī to naqsh-e-qadam the jo saare miTte ga.e
vo dāġh-e-sajda thā baaqī jo sañg-e-dar meñ rahā
yahī tilism thā 'zarrīñ' jise na toḌ sakī
vajūd us kā to taqdīr ke bhañvar meñ rahā
ajib karb-e-musalsal dil-o-nazar mein raha
wo raushni ka musafir andhere ghar mein raha
wo chandni ka muraqqa nahin tha jugnu tha
charagh ban ke jala aur shajar shajar mein raha
kahawaton ki tarah wo bhi shahr-e-mani tha
bujha bujha sa diya jo kisi khanDar mein raha
wo jis ko khoj sarabon mein thi samundar ki
wo apne dasht-e-dil-o-jaan ki rahguzar mein raha
wahi to naqsh-e-qadam the jo sare miTte gae
wo dagh-e-sajda tha baqi jo sang-e-dar mein raha
yahi tilism tha 'zarrin' jise na toD saki
wajud us ka to taqdir ke bhanwar mein raha
Source:
Rooh-e-Ghazal,Pachas Sala Intekhab (Pg. 718)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
