ajib log the wo titliyan banate the

ajiib log the vo titliyāñ banāte the

samundaroñ ke liye sīpiyāñ banāte the

vahī banāte the lohe ko toḌ kar taalā

phir us ke ba.ad vahī chābiyāñ banāte the

mere qabīle meñ ta.alīm kā rivāj na thā

mire buzurg magar taḳhtiyāñ banāte the

fuzūl vaqt meñ vo saare shīshagar mil kar

suhāganoñ ke liye chūḌiyāñ banāte the

ajib log the wo titliyan banate the

samundaron ke liye sipiyan banate the

wahi banate the lohe ko toD kar tala

phir us ke baad wahi chabiyan banate the

mere qabile mein talim ka riwaj na tha

mere buzurg magar taKHtiyan banate the

fuzul waqt mein wo sare shishagar mil kar

suhaganon ke liye chuDiyan banate the