ajib shaKHs hai mujhko to wo diwana lage

Aslam Azad

ajib shaKHs hai mujhko to wo diwana lage

Aslam Azad

MORE BYAslam Azad

    ajiib shaḳhs hai mujh ko to vo divāna lage

    pukārtā huuñ to us ko mirī sadā na lage

    guzar rahā hai mire sar se jo havā tarah

    kabhī kabhī to vahī lamha ik zamāna lage

    galī meñ jis pe har ik samt se chale patthar

    mujhe vo shaḳhs kisī tarah bhī burā na lage

    mizāj us ne bhī kaisā ajiib paayā hai

    hazār chheḌ karūñ par use burā na lage

    hamāre pīchhe vo chup-chāp baiThā rahtā hai

    maiñ sochtā huuñ magar kuchh mujhe patā na lage

    isī ḳhayāl se shāyad hai band vo khiḌkī

    ThaThurtī shaam us ko kahīñ havā na lage

    sunā.eñ kis ko yahāñ āp-bītī ai 'aslam'

    hameñ to apnī har baat ḳhud fasāna lage

    ajib shaKHs hai mujh ko to wo diwana lage

    pukarta hun to us ko meri sada na lage

    guzar raha hai mere sar se jo hawa ki tarah

    kabhi kabhi to wahi lamha ek zamana lage

    gali mein jis pe har ek samt se chale patthar

    mujhe wo shaKHs kisi tarah bhi bura na lage

    mizaj us ne bhi kaisa ajib paya hai

    hazar chheD karun par use bura na lage

    hamare pichhe wo chup-chap baiTha rahta hai

    main sochta hun magar kuchh mujhe pata na lage

    isi KHayal se shayad hai band wo khiDki

    ThaThurti sham ki us ko kahin hawa na lage

    sunaen kis ko yahan aap-biti ai 'aslam'

    hamein to apni hi har baat KHud fasana lage

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY