ajib shor hai sara jahan bolta hai
ajiib shor hai saarā jahān boltā hai
mire yaqīn ke aage gumān boltā hai
use kaho ki vo hissa bane kahānī kā
ye jo koī bhī pas-e-dāstān boltā hai
samā.atoñ pe fusūñ taarī hone lagtā hai
vo aisī shaan se urdu zabān boltā hai
usī ko haq hai tirī anjuman meñ bolne kā
tire huzūr jo shāyān-e-shān boltā hai
use salīqa nahīñ hai baḌoñ meñ baiThne kā
jo merī guftugū ke darmiyān boltā hai
na jānūñ maiñ ye tamāshā hai kitnī der abhī
bhañvar ke aage mirā bādbān boltā hai
maiñ be-tarah ke ka.ī giit gungunātā huuñ
safar meñ jaise koī sārbān boltā hai
ajib shor hai sara jahan bolta hai
mere yaqin ke aage guman bolta hai
use kaho ki wo hissa bane kahani ka
ye jo koi bhi pas-e-dastan bolta hai
samaaton pe fusun tari hone lagta hai
wo aisi shan se urdu zaban bolta hai
usi ko haq hai teri anjuman mein bolne ka
tere huzur jo shayan-e-shan bolta hai
use saliqa nahin hai baDon mein baiThne ka
jo meri guftugu ke darmiyan bolta hai
na jaanun main ye tamasha hai kitni der abhi
bhanwar ke aage mera baadban bolta hai
main be-tarah ke kai git gungunata hun
safar mein jaise koi sarban bolta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
