ajib tarh ka ye ehtimam mujhse hua

'ajīb tarh kā ye ehtimām mujh se huā

vo teġh-e-tez thā aur be-niyām mujh se huā

bahut se log the is rāste meñ ḳhāk-basar

magar ye rāsta āḳhir tamām mujh se huā

guzar ke aayā huuñ maiñ rauñdtā huā ḳhud ko

kisī kā kaam thā lekin ye kaam mujh se huā

vo rāste the ki chalte the mere ḳhuun ke saath

rukā bhī maiñ to bhalā kab qayām mujh se huā

mirī bujhī huī āñkhoñ meñ lau chamak uTThī

maiñ mar rahā thā ki vo ham-kalām mujh se huā

harām maut to mere nasīb meñ nahīñ thī

yahī huā hai ki jiinā harām mujh se huā

'ajib tarh ka ye ehtimam mujh se hua

wo tegh-e-tez tha aur be-niyam mujh se hua

bahut se log the is raste mein KHak-basar

magar ye rasta aaKHir tamam mujh se hua

guzar ke aaya hun main raundta hua KHud ko

kisi ka kaam tha lekin ye kaam mujh se hua

wo raste the ki chalte the mere KHun ke sath

ruka bhi main to bhala kab qayam mujh se hua

meri bujhi hui aankhon mein lau chamak uTThi

main mar raha tha ki wo ham-kalam mujh se hua

haram maut to mere nasib mein nahin thi

yahi hua hai ki jina haram mujh se hua