ajnabiyyat ka har ek ruKH pe nishan hai yaro
ajnabiyyat kā har ik ruḳh pe nishāñ hai yaaro
apne hī shahr meñ ġhurbat kā samāñ hai yaaro
āsmānoñ meñ lachaktī huī ye qaus-e-quzah
bhes badle hue rāvan kī kamāñ hai yaaro
ik siyāsat hai ki hai dair-o-haram kī mahbūb
ik mohabbat hai ki rusvā-e-jahāñ hai yaaro
ahl-e-dil rah ga.e āsār-e-qadīma ho ke
zindagī ek shikasta sā makāñ hai yaaro
dil hī shā.ista-e-gul-gasht nahīñ hai varna
ye zamīñ aaj bhī firdaus-e-javāñ hai yaaro
ajnabiyyat ka har ek ruKH pe nishan hai yaro
apne hi shahr mein ghurbat ka saman hai yaro
aasmanon mein lachakti hui ye qaus-e-quzah
bhes badle hue rawan ki kaman hai yaro
ek siyasat hai ki hai dair-o-haram ki mahbub
ek mohabbat hai ki ruswa-e-jahan hai yaro
ahl-e-dil rah gae aasar-e-qadima ho ke
zindagi ek shikasta sa makan hai yaro
dil hi shaista-e-gul-gasht nahin hai warna
ye zamin aaj bhi firdaus-e-jawan hai yaro
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
