akela hun magar aabaad hun main

akelā huuñ magar ābād huuñ maiñ

qafas meñ hī sahī āzād huuñ maiñ

mujhe dil meñ liye vo ghūmtā hai

ki us kī an-kahī fariyād huuñ maiñ

ye duniyā maqtaloñ se kam kahāñ hai

sabhī ke qatl se nāshād huuñ maiñ

mire siine pe kis ke naqsh-e-pā haiñ

ye kis kī zaat se barbād huuñ maiñ

zamāna shauq se suntā hai mujh ko

zamāne se juḌī rūdād huuñ maiñ

qatār-e-marg meñ huuñ sochtā huuñ

ki kis se pahle kis ke baad huuñ maiñ

akela hun magar aabaad hun main

qafas mein hi sahi aazad hun main

mujhe dil mein liye wo ghumta hai

ki us ki an-kahi fariyaad hun main

ye duniya maqtalon se kam kahan hai

sabhi ke qatl se nashad hun main

mere sine pe kis ke naqsh-e-pa hain

ye kis ki zat se barbaad hun main

zamana shauq se sunta hai mujh ko

zamane se juDi rudad hun main

qatar-e-marg mein hun sochta hun

ki kis se pahle kis ke baad hun main