aks apna kabhi bharpur nahin dekhta main

aks apnā kabhī bharpūr nahīñ dekhtā maiñ

aa.ine meñ dil-e-ranjūr nahīñ dekhtā meñ

husn-e-āġhāz batātā hai natīja mujh ko

hāsil-e-qissa-e-mash.hūr nahīñ dekhtā maiñ

ġham ke girte hue mansab ko uThā bhī na sakūñ

ḳhud ko is darja bhī ma.azūr nahīñ dekhtā maiñ

lab muqaffal the jab āñkhoñ se pukārā hai tujhe

qariya-e-jāñ se bahut duur nahīñ dekhtā maiñ

umr maḳhdūsh ujāle kī rifāqat kī hai kam

is liye gosha-e-pur-nūr nahīñ dekhtā maiñ

jaane kyoñ mere liye bā.is-e-tashvīsh hai ye

dushman-e-jān ko masrūr nahīñ dekhtā maiñ

aks apna kabhi bharpur nahin dekhta main

aaine mein dil-e-ranjur nahin dekhta mein

husn-e-aghaz batata hai natija mujh ko

hasil-e-qissa-e-mashhur nahin dekhta main

gham ke girte hue mansab ko uTha bhi na sakun

KHud ko is darja bhi mazur nahin dekhta main

lab muqaffal the jab aankhon se pukara hai tujhe

qariya-e-jaan se bahut dur nahin dekhta main

umr maKHdush ujale ki rifaqat ki hai kam

is liye gosha-e-pur-nur nahin dekhta main

jaane kyon mere liye bais-e-tashwish hai ye

dushman-e-jaan ko masrur nahin dekhta main