aks ki kahani ka iqtibas hum hi the

aks kī kahānī kā iqtibās ham hī the

aa.ine ke bāhar bhī ās-pās ham hī the

jab shu.ūr-e-insānī rābte kā pyāsā thā

harf-o-saut ilm-o-fan kī asaas ham hī the

fāsloñ ne lamhoñ ko muntashir kiyā to phir

etibār-e-hastī kī ek aas ham hī the

muqtadir mohabbat kī shikva-sanj mahfil meñ

ḳhāmushī ko apnā.e pur-sipās ham hī the

ḳhvāb ko haqīqat kā ruup koī kyā detā

mun.akis tasavvur kā in.ikās ham hī the

aks ki kahani ka iqtibas hum hi the

aaine ke bahar bhi aas-pas hum hi the

jab shuur-e-insani rabte ka pyasa tha

harf-o-saut ilm-o-fan ki asas hum hi the

faslon ne lamhon ko muntashir kiya to phir

etibar-e-hasti ki ek aas hum hi the

muqtadir mohabbat ki shikwa-sanj mahfil mein

KHamushi ko apnae pur-sipas hum hi the

KHwab ko haqiqat ka rup koi kya deta

munakis tasawwur ka inikas hum hi the