alam ki baat kya samjhen KHushi ka raaz kya jaanen

alam kī baat kyā samjheñ ḳhushī kā raaz kyā jāneñ

ḳhabar apnī nahīñ jin ko kisī kā raaz kyā jāneñ

jinheñ pechīdgī hālāt kī pāband rakhtī hai

vo jaane bhī kisī kī zindagī kā raaz kyā jāneñ

ye 'uqda ḳhaas hai is ko koī mansūr kholegā

ḳhirad vaale junūn-e-āgahī kā raaz kyā jāneñ

asīrān-e-fareb-ārā.ī-e-dair-o-haram āḳhir

sulagte 'ārizoñ kī dilkashī kā raaz kyā jāneñ

munāsib thā ye mauzū'-e-suḳhan bhī mai-parastoñ se

janāb-e-shaiḳh lutf-e-mai-kashī kā raaz kyā jāneñ

janāb-e-dard se pūchho ki lutf-e-dil-lagī kyā hai

jo dil rakhte nahīñ dil kī lagī kā raaz kyā jāneñ

alam ki baat kya samjhen KHushi ka raaz kya jaanen

KHabar apni nahin jin ko kisi ka raaz kya jaanen

jinhen pechidgi haalat ki paband rakhti hai

wo jaane bhi kisi ki zindagi ka raaz kya jaanen

ye 'uqda KHas hai is ko koi mansur kholega

KHirad wale junun-e-agahi ka raaz kya jaanen

asiran-e-fareb-arai-e-dair-o-haram aaKHir

sulagte 'arizon ki dilkashi ka raaz kya jaanen

munasib tha ye mauzu'-e-suKHan bhi mai-paraston se

janab-e-shaiKH lutf-e-mai-kashi ka raaz kya jaanen

janab-e-dard se puchho ki lutf-e-dil-lagi kya hai

jo dil rakhte nahin dil ki lagi ka raaz kya jaanen