alfaz ki zanjiron mein jakDe hue mafhum

alfāz kī zanjīroñ meñ jakḌe hue mafhūm

afkār meñ marbūt ḳhayālāt haiñ manzūm

is daur-e-pur-āshob ke andāz to dekho

arbāb-e-ḳhirad ahl-e-junūñ donoñ haiñ maġhmūm

ye shahr ye tanhā.ī ye vīrāna-e-tahzīb

me'yār-e-tamaddun kā tasavvur huā mā'dūm

kuchh log pareshāñ the hue aur pareshāñ

aḳhbār kī ḳhabroñ se machī shahr meñ vo dhuum

ye zāviya-e-fikr hai dilchasp siyāsat

sultānī-e-jamhūr meñ kyā ḳhādim-o-maḳhdūm

alfaz ki zanjiron mein jakDe hue mafhum

afkar mein marbut KHayalat hain manzum

is daur-e-pur-ashob ke andaz to dekho

arbab-e-KHirad ahl-e-junun donon hain maghmum

ye shahr ye tanhai ye virana-e-tahzib

me'yar-e-tamaddun ka tasawwur hua ma'dum

kuchh log pareshan the hue aur pareshan

aKHbar ki KHabron se machi shahr mein wo dhum

ye zawiya-e-fikr hai dilchasp siyasat

sultani-e-jamhur mein kya KHadim-o-maKHdum