amal se pyar se mohkam yaqin se niklega

'amal se pyaar se mohkam yaqīñ se niklegā

ye peḌ vo hai jo banjar zamīñ se niklegā

jahāñ pahuñch ke sabhī thak ke baiTh jaate haiñ

mujhe yaqīñ hai mirā dar vahīñ se niklegā

tū mere sajdoñ ko dīvāngī kā naam na de

ye naqsh vo hai jo merī jabīñ se niklegā

mire junūn kī shiddat ko aap kyā jāneñ

ki āsmān bhī merā zamīñ se niklegā

yahāñ kisī ke chalan par na bad-gumāñ honā

kahīñ se koī to koī kahīñ se niklegā

hai kaun us kā mumāsil vo shaḳhs jaisā hai

majāl kis kī jo us ke qarīñ se niklegā

yūñhī ġhazal ko pilā.ūñgā ḳhūn-e-dil 'dā.em'

na 'aib phir nigah-e-nukta-chīñ se niklegā

'amal se pyar se mohkam yaqin se niklega

ye peD wo hai jo banjar zamin se niklega

jahan pahunch ke sabhi thak ke baiTh jate hain

mujhe yaqin hai mera dar wahin se niklega

tu mere sajdon ko diwangi ka nam na de

ye naqsh wo hai jo meri jabin se niklega

mere junun ki shiddat ko aap kya jaanen

ki aasman bhi mera zamin se niklega

yahan kisi ke chalan par na bad-guman hona

kahin se koi to koi kahin se niklega

hai kaun us ka mumasil wo shaKHs jaisa hai

majal kis ki jo us ke qarin se niklega

yunhi ghazal ko pilaunga KHun-e-dil 'daem'

na 'aib phir nigah-e-nukta-chin se niklega