amiron ke bure atwar ko jo Thik samjhe hai

Zameer Atraulvi

amiron ke bure atwar ko jo Thik samjhe hai

Zameer Atraulvi

MORE BYZameer Atraulvi

    amīroñ ke bure atvār ko jo Thiik samjhe hai

    mirī haq baat ko vo qābil-e-tashkīk samjhe hai

    bahut mushkil hai jo us ġharībī duur ho jaa.e

    ajab ḳhuddār hai imdād ko bhī bhiik samjhe hai

    mire baare meñ us ke kaan bhartā hai koī shāyad

    bayāñ tausīf kartā huuñ to vo taz.hīk samjhe hai

    tire ḳhat terī tasvīreñ shikasta-dil ke kuchh TukḌe

    tirā dīvāna in sab ko tirī tamlīk samjhe hai

    maiñ us ke har gumāñ paas akasr rakkhā kartā huuñ

    mirā dil apne dil ke vo bahut nazdīk samjhe hai

    chale hai is tarah jaise chale talvār par koī

    vo merī rahguzar ko jaane kyuuñ bārīk samjhe hai

    siyāsat ke añdheroñ ne ujāle sab nigal Daale

    ġharīb insān din ko bhī shab-e-tārīk samjhe hai

    amiron ke bure atwar ko jo Thik samjhe hai

    meri haq baat ko wo qabil-e-tashkik samjhe hai

    bahut mushkil hai jo us ki gharibi dur ho jae

    ajab KHuddar hai imdad ko bhi bhik samjhe hai

    mere bare mein us ke kan bharta hai koi shayad

    bayan tausif karta hun to wo tazhik samjhe hai

    tere KHat teri taswiren shikasta-dil ke kuchh TukDe

    tera diwana in sab ko teri tamlik samjhe hai

    main us ke har guman ka pas akasr rakkha karta hun

    mera dil apne dil ke wo bahut nazdik samjhe hai

    chale hai is tarah jaise chale talwar par koi

    wo meri rahguzar ko jaane kyun barik samjhe hai

    siyasat ke andheron ne ujale sab nigal Dale

    gharib insan din ko bhi shab-e-tarik samjhe hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY