amn-o-aman pyar ki saughat chahiye

amn-o-amān pyaar kī sauġhāt chāhiye

ḳhvāboñ ko niiñd niiñd ko bhī raat chāhiye

vo daav āzmāne ko tayyār haiñ bahut

un ko ḳhabar nahīñ ki hameñ maat chāhiye

shikva agar na ho to kahāñ un se baat ho

taqrīb kuchh to bahr-e-mulāqāt chāhiye

āñkhoñ meñ ratjagā hai uThāne ko koī ḳhvāb

ta.abīr ko to ashkoñ kī barsāt chāhiye

ḳhūñ-rang hue shām-o-sahar be-ḳhabar rahe

muāfī nahīñ talāfī-e-māfāt chāhiye

patthar kā shahr hai to hai murda-dilī bhī aam

sāñsoñ ke zer-o-bam ko nabātāt chāhiye

dastār se ulajh ke girīñ ḳhvāhisheñ tamām

dil kī ḳhalish ko kunj-e-mukāfāt chāhiye

amn-o-aman pyar ki saughat chahiye

KHwabon ko nind nind ko bhi raat chahiye

wo daw aazmane ko tayyar hain bahut

un ko KHabar nahin ki hamein mat chahiye

shikwa agar na ho to kahan un se baat ho

taqrib kuchh to bahr-e-mulaqat chahiye

aankhon mein ratjaga hai uThane ko koi KHwab

tabir ko to ashkon ki barsat chahiye

KHun-rang hue sham-o-sahar be-KHabar rahe

muafi nahin talafi-e-mafat chahiye

patthar ka shahr hai to hai murda-dili bhi aam

sanson ke zer-o-bam ko nabaatat chahiye

dastar se ulajh ke girin KHwahishen tamam

dil ki KHalish ko kunj-e-mukafat chahiye