amn-o-sulh-o-ashti ho jaise bimari ka nam

amn-o-sulh-o-āshtī ho jaise bīmārī kā naam

hai siyāsat ahd-e-nau meñ ek ayyārī kā naam

in kā zāhir aur bātin dekh kar aisā lagā

pārsā.ī jaise ho shāyad riyā-kārī kā naam

jo zamāna saaz haiñ, haiñ sab ke manzūr-e-nazar

hai taġhazzul meñ tarannum aaj fankārī kā naam

gardish-e-hālāt se hai band jin kā nātiqa

vo zabān-e-hāl se lete haiñ bekārī kā naam

hai girānī kā vo aalam al-amān o al-hafīz

Darte haiñ lete hue ab sab ḳharīdārī kā naam

shoḳhi-e-guftār meñ kah jaate haiñ vo kuchh se kuchh

dostī in kī nazar meñ hai dil-āzārī kā naam

pur-masarrat zindagī hai aaj kal ḳhvāb-o-ḳhayāl

hai zabāñ par in dinoñ sab kī azā-dārī kā naam

kyā kushūd-e-kār kī 'barqī' koī sūrat nahīñ

sab ke hai vird-e-zabāñ ab sirf dushvārī kā naam

amn-o-sulh-o-ashti ho jaise bimari ka nam

hai siyasat ahd-e-nau mein ek ayyari ka nam

in ka zahir aur baatin dekh kar aisa laga

parsai jaise ho shayad riya-kari ka nam

jo zamana saz hain, hain sab ke manzur-e-nazar

hai taghazzul mein tarannum aaj fankari ka nam

gardish-e-haalat se hai band jin ka natiqa

wo zaban-e-haal se lete hain bekari ka nam

hai girani ka wo aalam al-aman o al-hafiz

Darte hain lete hue ab sab KHaridari ka nam

shoKHi-e-guftar mein kah jate hain wo kuchh se kuchh

dosti in ki nazar mein hai dil-azari ka nam

pur-masarrat zindagi hai aaj kal KHwab-o-KHayal

hai zaban par in dinon sab ki aza-dari ka nam

kya kushud-e-kar ki 'barqi' koi surat nahin

sab ke hai wird-e-zaban ab sirf dushwari ka nam