andar to KHayalon ke ho aae KHayal apna

Muhib Aarfi

andar to KHayalon ke ho aae KHayal apna

Muhib Aarfi

MORE BYMuhib Aarfi

    andar to ḳhayāloñ ke ho aa.e ḳhayāl apnā

    ifshā-e-haqīqat se Dartā hai savāl apnā

    kāġhaz sadāqat huuñ go vaqf-e-kitābat huuñ

    safhoñ se ibārat huuñ khulnā hai muhāl apnā

    ā.īna hai zaat apnī ma.amūr huuñ jalvoñ se

    mastūr hai nazroñ se har chand jamāl apnā

    ḳhush hai ki jo TuuTī hai āḳhir koī shai hogī

    ḳhud meñ nazar aatā hai shīshe ko jo baal apnā

    parde ne kahā mujh ko parde ne sunā mujh ko

    naġhma huuñ samajhtā huuñ itnā kamāl apnā

    ġhunche meñ rahā huuñ maiñ tinke meñ Dhalā huuñ maiñ

    kirnoñ duā huuñ maiñ sho.ala hai ma.aal apnā

    ai ham-nazaro Thahro kyā ho jo barāmad ho

    har gosha-e-ḳhalvat se ik naqsh-e-ḳhayāl apnā

    tah sat.h tak aa pahuñchī ik mauj na haath aa.ī

    kab tak ye muhim āḳhir ab khīñch luuñ jaal apnā

    ḳhushbū se 'muhib' khelo kyā uud ko rote ho

    is ahd nazroñ se maḳhfī hai malāl apnā

    andar to KHayalon ke ho aae KHayal apna

    ifsha-e-haqiqat se Darta hai sawal apna

    kaghaz ki sadaqat hun go waqf-e-kitabat hun

    safhon se ibarat hun khulna hai muhaal apna

    aaina hai zat apni mamur hun jalwon se

    mastur hai nazron se har chand jamal apna

    KHush hai ki jo TuTi hai aaKHir koi shai hogi

    KHud mein nazar aata hai shishe ko jo baal apna

    parde ne kaha mujh ko parde ne suna mujh ko

    naghma hun samajhta hun itna hi kamal apna

    ghunche mein raha hun main tinke mein Dhala hun main

    kirnon ki dua hun main shoala hai maal apna

    ai ham-nazaro Thahro kya ho jo baramad ho

    har gosha-e-KHalwat se ek naqsh-e-KHayal apna

    tah sath tak aa pahunchi ek mauj na hath aai

    kab tak ye muhim aaKHir ab khinch lun jal apna

    KHushbu se 'muhib' khelo kya ud ko rote ho

    is ahd ki nazron se maKHfi hai malal apna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY