andesha-e-arbab-e-haram sath rahega

andesha-e-arbāb-e-haram saath rahegā

jannat bhī milegī to ye ġham saath rahegā

pyāse hī guzar jā.eñge ham rāh-e-talab se

ibrat ke liye sāġhar-e-jam saath rahegā

manzil se palaT aa.egī ek ek tajallī

haañ sho.ala-e-ruḳhsār-e-sanam saath rahegā

tū aur na aa.e dar-e-zindān-e-vafā tak

mar kar bhī ye ġham terī qasam saath rahegā

aflāk se palkoñ pe utar ā.eñge taare

khul kar bhī shab-e-ġham kā bharam saath rahegā

mai-ḳhāna bahut duur nahīñ dīda-e-nam se

aa gardish-e-daurāñ koī dam saath rahegā

rāhoñ meñ 'qatīl' ā.eñge sau ā.ina-ḳhāne

lekin mirā gul-posh qalam saath rahegā

andesha-e-arbab-e-haram sath rahega

jannat bhi milegi to ye gham sath rahega

pyase hi guzar jaenge hum rah-e-talab se

ibrat ke liye saghar-e-jam sath rahega

manzil se palaT aaegi ek ek tajalli

han shoala-e-ruKHsar-e-sanam sath rahega

tu aur na aae dar-e-zindan-e-wafa tak

mar kar bhi ye gham teri qasam sath rahega

aflak se palkon pe utar aaenge tare

khul kar bhi shab-e-gham ka bharam sath rahega

mai-KHana bahut dur nahin dida-e-nam se

aa gardish-e-dauran koi dam sath rahega

rahon mein 'qatil' aaenge sau aaina-KHane

lekin mera gul-posh qalam sath rahega