andheron ko miTane ka irada hum bhi rakhte hain

añdheroñ ko miTāne kā irāda ham bhī rakhte haiñ

ki ham jugnū haiñ thoḌā sā ujālā ham bhī rakhte haiñ

agar mauqa milā ham ko zamāne ko dikhā deñge

havā kā ruḳh badalne kā kaleja ham bhī rakhte haiñ

shab-e-ġham kī sahar jaane mayassar kab hameñ hogī

kisī ke dil meñ basne kī tamanna ham bhī rakhte haiñ

hamārī shā.erī meñ pāoge tum 'mīr' sī lazzat

rivāyat ko nibhāne kā salīqa ham bhī rakhte haiñ

hamāre paas bhī hai ik na.e feature kā mobile

'ajay' dekho to muTThī meñ zamāna ham bhī rakhte haiñ

andheron ko miTane ka irada hum bhi rakhte hain

ki hum jugnu hain thoDa sa ujala hum bhi rakhte hain

agar mauqa mila hum ko zamane ko dikha denge

hawa ka ruKH badalne ka kaleja hum bhi rakhte hain

shab-e-gham ki sahar jaane mayassar kab hamein hogi

kisi ke dil mein basne ki tamanna hum bhi rakhte hain

hamari shaeri mein paoge tum 'mir' si lazzat

riwayat ko nibhane ka saliqa hum bhi rakhte hain

hamare pas bhi hai ek nae feature ka mobile

'ajay' dekho to muTThi mein zamana hum bhi rakhte hain