andheron mein bhaTakna hai pareshani mein rahna hai
andheron mein bhaTakna hai pareshani mein rahna hai
Khushbir Singh Shaad
MORE BYKhushbir Singh Shaad
añdheroñ meñ bhaTaknā hai pareshānī meñ rahnā hai
maiñ jugnū huuñ mujhe ik shab kī vīrānī meñ rahnā hai
abhī kuchh zabt kā yaarā mirī āñkhoñ meñ baaqī hai
abhī ashkoñ ko palkoñ kī nigahbānī meñ rahnā hai
jo manzar rū-ba-rū hai dekh luuñ ik baar jī bhar ke
phir is ke ba.ad to āñkhoñ ko hairānī meñ rahnā hai
tirī vahshat samajhtā huuñ ai merī aarzū lekin
tujhe kuchh din abhī is dil kī vīrānī meñ rahnā hai
tū phir kyuuñ lauT kar har baar aa jaatī haiñ sāhil par
agar in kashtiyoñ ko umr bhar paanī meñ rahnā hai
isī ummīd par to kaaT liiñ ye mushkileñ ham ne
ab is ke ba.ad to ai 'shād' āsānī meñ rahnā hai
andheron mein bhaTakna hai pareshani mein rahna hai
main jugnu hun mujhe ek shab ki virani mein rahna hai
abhi kuchh zabt ka yara meri aankhon mein baqi hai
abhi ashkon ko palkon ki nigahbani mein rahna hai
jo manzar ru-ba-ru hai dekh lun ek bar ji bhar ke
phir is ke baad to aankhon ko hairani mein rahna hai
teri wahshat samajhta hun ai meri aarzu lekin
tujhe kuchh din abhi is dil ki virani mein rahna hai
tu phir kyun lauT kar har bar aa jati hain sahil par
agar in kashtiyon ko umr bhar pani mein rahna hai
isi ummid par to kaT lin ye mushkilen hum ne
ab is ke baad to ai 'shad' aasani mein rahna hai
- Book : Zara ye Dhoop Dhal Jaye (Pg. 88)
- Author : Khushbir Singh Shaad
- Publication : Suman Parkashan, Bhadoriya Complex, Lucknow (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
