anjam-e-intiha-e-safar dekhte chalen
anjām-e-intihā-e-safar dekhte chaleñ
ab gaañv aa ga.e haiñ to ghar dekhte chaleñ
guzre nahīñ haiñ ham bhī kabhī is dayār se
kaisā hai ḳhvāhishoñ kā nagar dekhte chaleñ
phir ehtimām-e-ma.arka-e-marg-o-zīst hai
teġhoñ se khelte hue sar dekhte chaleñ
sāhil pe sahme sahme zamāna guzar gayā
dariyā kā aaj zer-o-zabar dekhte chaleñ
jin qātiloñ kā shahr meñ charchā hai in dinoñ
jī chāhtā hai un kā hunar dekhte chaleñ
fursat kahāñ hai utnī ki tafsīl se paḌheñ
aḳhbārī surḳhiyoñ meñ ḳhabar dekhte chaleñ
anjam-e-intiha-e-safar dekhte chalen
ab ganw aa gae hain to ghar dekhte chalen
guzre nahin hain hum bhi kabhi is dayar se
kaisa hai KHwahishon ka nagar dekhte chalen
phir ehtimam-e-marka-e-marg-o-zist hai
teghon se khelte hue sar dekhte chalen
sahil pe sahme sahme zamana guzar gaya
dariya ka aaj zer-o-zabar dekhte chalen
jin qatilon ka shahr mein charcha hai in dinon
ji chahta hai un ka hunar dekhte chalen
fursat kahan hai utni ki tafsil se paDhen
aKHbari surKHiyon mein KHabar dekhte chalen
Source:
Rooh-e-Ghazal,Pachas Sala Intekhab (Pg. 402)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
